फागुन २५ काठमाण्डौ । पछिल्लो समयमा कोरोना सङ्क्रमितको सङ्ख्या फेरि बढ्न थालेको छ । दैनिक एक सय भन्दा कम सङ्क्रमित भेटिँदै गएकोमा पछिल्लो दुई दिन यता कोरोना सङ्क्रमितको सङ्ख्या फेरि बढ्न थालेको हो । स्वास्थ्य तथा जनसङ्ख्या मन्त्रालयका अनुसार पछिल्लो २४ घण्टामा थप २ सय २४ जनामा कोरोना भाइरस सङ्क्रमणको पुष्टि भएको छ ।
१० हजार ९२ जनाको कोरोना परीक्षण गर्दा पीसीआर विधिबाट ६८ तथा एन्टिजेन विधिबाट १ सय ५६ जना गरी थप २ सय २४ जनामा कोरोना भाइरस सङ्क्रमणको पुष्टि भएको हो । मंगलबार १ सय ९४ जनामा सङ्क्रमणको पुष्टि भएको थियो ।
त्यसैगरुी मंगलबार थप २ सय ९१ जना सङ्क्रमणमुक्त भएका छन् । सङ्क्रमितको सङ्ख्या बढे पनि संक्रमणका कारण मृत्यु हुनेको सङ्ख्या भने शून्य रहेको छ । हाल देशभर ५ हजार ६ सय ९२ जना सक्रिय सङ्क्रमित रहेका छन् भने पछिल्लो २४ घण्टामा थप ९६ हजार ८९ जनाले कोरोना विरुद्धको खोप लगाएका छन् ।
