आज १ सय १२ औँ अन्तर्रा्ष्ट्रिय श्रमिक महिला दिवस अर्थात नारी दिवश ,नेपाल लगायत विश्वभरी विभिन्न कार्यक्रम गरी यो दिवश धुमधामसंग मनाईदै आएको छ ।
विगतका वर्षहरुमा योदिवसलाई त्यती तामझामका साथ मनाउन नसकिएको भए पनि यस वर्ष दिवशलाई उल्लासमय बाताबरणमा मनाईएको छ । अन्र्तराष्ट्रिय दिवसको महत्व आफैमा विषेस रहेको छ । सन् १८७५ मार्चमा अमेरिकाको गार्मेन्टमा कार्यरत श्रमिक महिलाहरूले आठ घन्टा काम, आठ घण्टा आराम र आठ घण्टा मनोरञ्जन सहित मताधिकारको अधिकार, ट्रेड युनियन अधिकार, शिशु स्याहार केन्द्रको व्यवस्था, समान शिक्षा र समान कामको माग गर्दै हड्ताल गरेको दिनलाई संसार भरका महिलाहरुले उत्सबका रुपमा मनाउदै आएका छन ।
सन् १९१० मा डेनमार्कको कोपनहेगनमा अन्तर्रा्ष्ट्रिय महिला सम्मेलनले पारित गरेको निर्णय अनुसार यो दिवस संसार भरी विजय उत्सवको रुपमा मनाउने गरिएको छ । यद्यपी नेपालमा भने सन् १९७५ देखि अन्तर्रा्ष्ट्रिय श्रमिक महिला दिवस मनाउने गरिएको छ ।
यो दिवस मनाईरहदा अझै तमाम दिदिबहिनीहरु घरेलु हिंसाका शीकार भएका छन । बलात्कार हत्या हिंसाका शिकार हुदै आएका छन । अझै महिलाहरु आफनो पीडापोख्न सक्ने अबशथामा छैनन । राज्यले करोडौ रुपैया खर्च गरेको लगानी बालुवाको पानी भएको छ । महिलाहरुलाई समान ज्याला देखि लिएर हरेक कुरामा राज्यले अगाडी सार्न आवश्यक छ । अन्तराष्ट्रिय नारी दिवसको महत्व बुझेर महिला हिंसाको अनत्य गर्न जरुरी छ ।
