फागुन १८ कञ्चनपु । मोटरसाइकल चोरी गरेको आरोपमा कञ्चनपुर प्रहरीले २ जनालाई पक्राउ गरेको छ । मंगलबार लालझाडी गाउँपालिका वडा नम्बर–६ का शिवभक्त मिश्रको घरबाट मोटरसाइकल चोरी भए पछि खोजी गर्ने क्रममा मिश्रको मोटरसाइकल सहित दुईलाई पक्राउ गरिएको हो । जिल्ला प्रहरी कार्यालय कञ्चनपुरले भीमदत्त नगरपालिका वडा नम्बर–२ उल्टाखाम बस्ने २० वर्षीय प्रवेश जोशी र बेल्डाडी गाउँपालिका वडा नम्बर– १ का हर्क निरौलालाई पक्राउ गरेको जानकारी गराएको हो । उनीहरुको साथबाट चोरी भएको सुपप्र ०२ ००३ प ३६३६ नम्बरको मोटरसाइकल र म २ प ५२१८ नम्बरको स्कुटर बरामद भएको छ ।
जिल्ला प्रहरी कार्यालय कञ्चनपुरले पक्राउ परेका दुवै जनामाथि थप अनुसन्धान भइरहेको जानकारी गराएको छ ।