फागुन १४ बैतडी । बैतडीमा १ लाख ४२ हजार ६ सय २९ जनाले कोरोना विरुद्धको खोपको पहिलो मात्रा लगाएका छन्। स्वास्थ्य कार्यालयका स्रोत व्यक्ति चन्दन सुवेदीका अनुसार बुस्टर डोज भने ४ हजार ३ सय १ जनाले लगाएका छन्।
सदरमुकामस्थित दशरथचन्द नगरपालिकामा २४ हजार ३ सय ९९ जनाले खोपको पहिलो मात्रा लगाएका छन् भने २२ हजार ६ सय ९५ जनाले पूर्ण खोप लगाएका छन्। यस्तै‚ पाटन नगरपालिकामा १६ हजार १७ जनाले खोपको पहिलो र २६ हजार ४ सय ९५ जनाले पूर्ण खोप पाएका छन्।
पुर्चौंडी नगरपालिकामा २१ हजार ३ सय ४० जनाले खोपको पहिलो र १८ हजार ४ सय ६३ जनाले पूर्ण खोप लगाएका छन्। यसैगरी मेलौली नगरपालिकामा १३ हजार ७ सय ८५ जनाले खोपको पहिलो मात्रा र १० हजार ८ सय ४१ जनाले पूर्ण खोप लगाएका छन्।
डिलाशैनी गाउँपालिकामा १७ हजार ७ सय ३३ जनाले खोपको पहिलो मात्रा र आठ हजार ४ सय ४३ जनाले पूर्ण खोप लगाएका छन्। दोगडाकेदार गाउँपालिकामा १३ हजार ८ सय १८ जनाले खोपको पहिलो र आठ हजार ५ सय ९५ जनाले पूर्ण खोप लगाएका छन्। यस्तै‚ सुर्नया गाउँपालिकामा ९ हजार ६ सय ९६ जनाले खोपको पहिलो मात्रा र नौ हजार ९ सय २० जनाले पूर्ण खोप लगाएका छन्।
पञ्चेश्वर गाउँपालिकामा ८ हजार ९ सय ७० जनाले खोपको पहिलो मात्रा र ६ हजार ९ सय ९५ जनाले पूर्ण खोप लगाएका छन्। यस्तै‚ शिवनाथ गाउँपालिकामा ७ हजार ५ सय ३९ जनाले खोपको पहिलो मात्रा लगाएका छन् भने ८ हजार ३ सय ८० जनाले पूर्ण खोप लगाएका छन्। सिगास गाउँपालिकामा ९ हजार ३ सय ३२ जनाले खोपको पहिलो मात्रा र ११ हजार ७ सय १९ जनाले पूर्ण खोप पाएका छन्।
१२ वर्षमाथिका नागरिकलाई कोरोना विरुद्ध खोप दिने कार्य जारी रहेको स्वास्थ्य कार्यालयले जनाएको छ। सरकारले यस अघि खोप लगाउन छुटेको सबै नागरिकलाई खोप लगाउन समेत अनुरोध गरेको छ। यहाँका सबै स्थानीय तहबाट कोरोना विरुद्धको खोप अभियान निरन्तर रुपमा चलिरहेको छ।
