सुदिप विक,फागुन १३ टीकापुर । संस्कृत पर्यटन तथा नागरिक उड्डयन मन्त्री प्रेमबहादुर आलेले टीकापुर विमानस्थल चाडै सञ्चालनमा ल्याउने दावी गर्नु भएको छ ।
शुक्रबार कैलालीको टीकापुर विमानस्थलको स्थलगत अनुगमन गर्दै मन्त्री आलेले यस्तो दावी गर्नु भएको हो ।
चालू आर्थिक वर्षमा विमानस्थलको लागि दुई करोड बजेट विनियोजन भैसकेको जानकारी गराउदै मन्त्री आलेले टीकापुर विमानस्थल चाडै सञ्चालनमा ल्याउने दावी गर्नु भएको हो ।
विमानस्थलको अध्ययन समितिले त्यसको सर्वे गरेर गैसकेको जानकारी गराउदै उनले अध्ययन समितिको प्रतिवेदनको आधारमा पुरानै विमानस्थल सञ्चालनमा ल्याउने वा अन्य सर्वे भएको दुई वटा क्षेत्रमा नयाँ विमानस्थलको लागि संरचना तयार गर्ने भन्ने कुरा प्रतिवेदन आइसके पछि थाहा हुने उनले बताए । मन्त्री आलेले चालू आर्थिक वर्षमै विमानस्थल निर्माणको काम सुरु हुने बताउदै त्यसलाई बहुवर्षिय आयोजनाको रुपमा राखेर काम गर्न सकिने बताउनु भयो ।
विमानस्थलसँग पर्यटन क्षेत्र जोडिएकोले पनि टीकापुरमा विमानस्थल अपरिहार्य भएको बताउदै मन्त्री आलेले पर्यटकीय दृष्टिकोणले पनि टीकापुर निकै लोकप्रिय रहेकाले धेरै सम्भावनाहरु रहेको बताएका छन् । मन्त्री आलेले सम्भावनाहरुसँग हवाई माध्यमको पहुँच पु¥याउन प्रतिबद्ध भएको बताउदै विमानस्थल सञ्चालनमा आउनसके पर्यटन क्षेत्र आफै चलायमान हुने बताउनु भयो ।
मन्त्री आलेले धनगढी विमानस्थललाई क्षेत्रीय विमानस्थलको रुपमा स्तरोन्नतिका लागि एक अर्ब बजेट विनियोजन भएको जानकारी गराउदै प्रत्येक जिल्लामा कम्तिमा एउटा हवाई मैदानको निर्माणको लागि आफुले पहल गरेको बताउनु भयो ।
धनगढी विमानस्थल र भारतको दिल्ली हुँदै नेपालको कैलालीबाट खप्तड हुँदै मानसरोवर सम्मको फास्ट ट्रर्याक निर्माणका लागि बिश्व बैंकसँग समन्वय भैरहेको जानकारी गराउदै मन्त्री आलेले त्यसका लागि करिब ६५ अर्ब बजेट माग गरिएको बताउनु भयो ।
मन्त्री आलेले धनगढी विमानस्थल र भारतको दिल्ली हुँदै नेपालको कैलालीबाट खप्तड हुँदै मानसरोवर सम्मको फास्ट ट्रर्याक निर्माण गर्न सके सुदूरपश्चिम प्रदेश पर्यटन क्षेत्रको हवको रुपमा चिनिने बताउनु भयो । त्यसै क्रममा विमानस्थल सञ्चालनको माग गर्दै टीकापुर उद्योग वाणिज्य संघले मन्त्री आलेलाई ज्ञापन पत्र समेत बुझाएको छ ।
