फागुन ११ कञ्चनपुर । नेत्रवित्रलम चन्द विप्लव नेतृत्वको नेपाल कम्युनिष्ट पार्टी निकट अखिल क्रान्तिकारीले एमाले साँसद दिपक प्रकाश भट्ट र निरु पालको घरमा कालो व्यानर टागेको छ ।
एमाले कञ्चनपुर क्षेत्र नम्बर ३ का साँसद डा. दिपक प्रकाश भट्ट र अर्का साँसद निरुदेवी पालको घरमा एमसीसी विरुद्ध चेतावनी स्वरुप कालो ब्यानर टाँगेको अखिल क्रान्तिकारी सुदूरपश्चिम प्रदेशका इन्चार्ज प्रकाश जप्रेलले जानकारी गराएका हुन ।
एमसीसी पारित गर्न सहयोग गरे जिल्ला नफर्कन चेतावनी समेत दिईएको छ । एमसीसी संसदमा टेबल भए पछि विप्लव नेतृत्वको युवाले कञ्चनपुरका सबै साँसदहरुलाई एमसीसी विरुद्ध उभिन सुझाव पत्र पठाएको जप्रेलले जानकारी गराए ।
एमसीसी संसद छलफल गरी पारित गर्ने समय नजिकिन थाले पछि साँसदको घरमा कालो ब्यानर टाँगेर एमसीसी विरुद्ध उभिन दबाव दिएको उनले बताए । क्रान्तिकारीले एमसीसी पारित भए साँसदलाई जिल्ला नआउने चेतावनी दिएको छ । ‘हेलो साँसद निरु पालज्यू तपाईको जिल्लाबाट भन्दैछौ एमसीसी पास गराउनु भयो भने तपाई चाहिँ जिल्ला नआए हुन्छ’ साँसद पालको घरमा टाँगिएको ब्यानरमा लेखिएको छ ।
यसैगरी साँसद भट्टको घरमा टाँगिएको व्यानरमा पनि भट्टलाई सम्बोधन गर्दै त्यही व्यहोराको चेतावनी दिईएको छ । साँसदलाई सुझाव पत्र पठाउँमा उनको घरमा पुगेर विप्लवको नेपाल युवा संगठनले सुझाव पठाएको थियो ।
विप्लव नेतृत्वको नेकपा एमसीसी विरुद्ध सडक आन्दोलनमा छ । एमसीसी संसदमा टेबुल भए पछि विप्लव सहित दलहरुले प्रशासन कार्यालय घेराउ गरर्दै आन्दोलनरत रहेको छ ।
अखिल क्रान्तिकारी सुदूरपश्चिम प्रदेशका इन्चार्ज प्रकाश जप्रेलले एमसीसी राष्ट्रघाती सम्झौता भएकाले त्यस विरुद्ध उभिन साँसदको घरमा कालो व्यानर टाँगेको बताएका छन ।
संसदको सबैभन्दा ठूलो प्रमुख प्रतिपक्षी दल एमसीसी मौन बसेको छ । एमाले अहिलेसम्म एमसीसी सम्बन्धी पार्टीको आधिकारिक धारणा बाहिर ल्याएको छैन ।
