फाल्गुन १०, धनगढी । सुदूरपश्चिम प्रदेशका पत्रकारहरुलाई स्वास्थ्य परिक्षणमा छुट दिईने भएको छ । धनगढीको नेशनल प्याथल्यावले पत्रकारहरुलाई स्वास्थ्य परीक्षणमा ३० प्रतिशत छुट दिने भएको हो ।
नेपाल पत्रकार पत्रकार महासंघ सुदुरपश्चिम प्रदेश र ल्याबबीच पत्रकारहरुलाई छुट दिने विषयमा मंगलबार सम्झौतापत्रमा हस्ताक्षर भएको छ ।
सम्झौतामा पत्रकार महासंघ सूरपश्चिम प्रदेश सचिव हरि जोशी र ल्याबका प्रबन्धक हरीसिंह धामीले हस्ताक्षर गरेका छन ।
सम्झौता अनुसार पत्रकार, सञ्चार गृहमा कार्यरत कर्मचारी र पत्रकारका परिवारलाई ल्याबले प्रदान गर्ने सेवा, स्वास्थ्य परीक्षण तथा सुविधामा ३० प्रतिशत छुट दिनेछ । उक्त छुट पाउन पत्रकार महासंघको सिफारिस र परिचयपत्र अनिवार्य गरिएको छ ।
नियमित स्वास्थ्य परीक्षण गराउँदा विभिन्न रोगबाट बच्न सकिने हुँदा पत्रकार र उनका परिवारको हितका लागि यो सम्झौता गरिएको सचिव जोशीले बताए ।
पत्रकारका दैनिक क्रियाकलाप, खानपिन, रहनसहन, शारीरिक तथा मानसिक स्थितीले स्वास्थ्यमा धेरै प्रभाव पर्ने हुँदा स्वास्थ्य परिक्षणले विभिन्न स्वास्थ्य समस्याबारे बेलैमा सावधानी अपनाउँन सहयोग पुग्ने ल्याबका प्रबन्धक धामीले बताए ।
यो सम्झौतापछि पत्रकार र पत्रकारका परिवार लगायतका सदस्य गरी प्रत्यक्ष रुपमा करिब २० हजार बढीले सहुलियत पाउने महासंघको विश्वास छ ।
