फागुन ०७ काठमाडौं । पछिल्लो २४ घण्टामा देशभर थप ३ सय ५० जनामा कोरोना संक्रमणको पुष्टि भएको छ भने चार जनाको मृत्यु भएको छ ।
स्वास्थ्य तथा जनसंख्या मन्त्रालयका अनुसार तीन हजार ५ सय ३८ पीसीआर परीक्षणमा १ सय ९८ जना र तीन हजार ५ सय ५८ एन्टिजेन परीक्षणमा १ सय ५२ जना गरी ३ सय ५० जनामा संक्रमणको पुष्टि भएको हो ।
पछिल्लो २४ घण्टामा कोरोना संक्रमणका कारण ४ जनाको मृत्यु भएको छ, त्यस्तै एक हजार २ सय ७२ जना संक्रमणमुक्त भएका छन् । हाल देशभर कोरोना भाइरसको सक्रिय संक्रमितको संख्या १३ हजार ३ सय ५७ रहेको छ ।
No data was found
पछिल्लो २४ घण्टामा सबै भन्दा धेरै काठमाडौं जिल्लामा ५१ जनामा संक्रमण पुष्टि भएको छ । त्यसपछि कास्कीमा २२, कैलालीमा ९, लमजुङमा ८, झापा, ललितपुर र दाङमा ७ ÷७ जना, रुपन्देही र सर्लाहीमा ६÷६ जनामा संक्रमण पुष्टि भएको छ ।
