फागुन०७ धनगढी। सुदूरपश्चिम प्रहरीले भालुको पित्त र यार्सा सहित एक जनालाई पक्राउ गरेको छ ।
प्रदेश प्रहरी कार्यालय र जिल्ला प्रहरी कार्यालय कैलालीबाट खटेको संयुक्त प्रहरी टोलीले जुम्लाको कनिका सुन्दरी गाउँपालिका वडा नम्बर –३ का ५७ वर्षीय बिर्ख धामीलाई पक्राउ गरेको हो ।
उनको साथबाट १ सय ५० ग्राम तौल भएको भालुको पित्त र ५ सय २५ ग्राम यार्सागुम्बा फेला पारी बरामद गरीएको जिल्ला प्रहरी कार्यालयले जनाएको छ ।
उनलाई कञ्चनपुरको कृष्णपुर नगरपालिका वडा नम्बर –२ वनदेवी मन्दिर छेउबाट उनलाई पक्राउ गरिएको जिल्ला प्रहरी कार्यालयले जानकारी गराएको हो ।
सुरुमा २५ ग्राम यार्सा र भालुको पित्त सहित पक्राउ गरेको भए पनि अनुसन्धान गर्दै जाँदा उनको डेराबाट थप ५ सय ग्राम यार्सा फेला परेको प्रहरीले जनाएको छ । पक्राउ परेका धामीलाई आवश्यक कारबाहीका लागि जिल्ला प्रहरी कार्यालय कञ्चनपुरमा पठाइएको बताईएको छ ।
