फागुन ०६ धनगढी । सरकारले राष्ट्रिय प्रजातन्त्र दिवसको अवसरमा ५ सय १ जना कैदी बन्दीको कैद सजाय माफ गरेकोे छ ।
मन्त्रिपरिषद्को सिफारिसमा राष्ट्रपति विद्यादेवी भण्डारीले कैदी बन्दीको भुक्तान हुन बाँकी कैद कट्टा गरी माफ दिनु भएको हो ।
राष्ट्रपति कार्यालयका सहायक प्रवक्ता सागर आचार्यका अनुसार प्रकाश शेर्पा फिनासा भन्ने फुर्वा शेर्पा समेत ५ सय १ कैदीको भुक्तान हुन बाँकी कैद कट्टा गरी मिनाहा भएको छ । सर्वोच्च अदालतको गत साउन १९ गतेको परमादेश समेतको आधारमा फौजदारी कसूर (सजाय निर्धारण तथा कार्यान्वयन ऐन), २०७४ लागू हुनुपूर्व गरेको कसूरमा जन्मकैदको सजाय तोकिएकालाई कैद छुट दिइएको हो ।
यसैगरी आङनिमा शेर्पा समेतका १२ जनाको समेत विभिन्न अदालतबाट विभिन्न मितिमा भएका फैसला बमोजिम कैद, जरिवाना, सर्वस्व लगायत सजाय माफ गरिएको राष्ट्रपति कार्यालयले जनाएको छ ।