फागुन ०६, बैतडी । जिल्लाको पाटन क्रिकेट क्लबको आयोजनामा पहिलो संस्करणको पाटन प्रिमियर लिग पिपिएल (टी–२०० खुल्ला क्रिकेट प्रतियोगिता फागुन १३ गते हुने भएको छ।

श्रीकृष्ण माविको खेल मैदानमा सञ्चालन हुने प्रतियोगितामा जिल्लाभित्र र जिल्लाबाहिरका टोलीले पनि सहभागिता जनाउन सक्ने आयोजक पाटन क्रिकेट क्लबका अध्यक्ष पारस विष्टले जानकारी दिए। प्रतियोगिताको विजेता टोलीले ५५ हजार ५ सय ५५, उपविजेता टोलीले २२ हजार २ सय २२ रूपैयाँ नगद, ट्रफी र प्रमाणपत्र पाउने छ।

म्यान अफ दी सिरिजलाई ३ हजार ३ सय ३३ रूपैयाँ, बेष्ट ब्याट्सम्यानलाई १ हजार १ सय ११ रूपैयाँ, बेष्ट बलरलाई १ हजार १ सय ११ रूपैयाँ नगद, ट्रफी र प्रमाणपत्र प्रदान गरिने छ। प्रतियोगिताले क्रिकेटको विकासका साथै खेलाडी उत्पादनमा सहयोग मिल्ने विश्वास आयोजकको रहेको छ।