फागुन ०५ बैतडी । सदस्यता विवादका कारण गत चैतमा नयाँ कार्यसमिति चयन हुन नसकेको नेपाल पत्रकार महासंघ बैतडीको अध्यक्षमा खगेन्द्र अवस्थी चयन भएका छन । विहिबार अबश्थीको नेतृत्वमा १८ सदस्यीय नयाँ कार्यसमिति सर्वसम्मत चयन भएको हो ।
कार्यसमितिको उपाध्यक्षमा नरि बडू, महिला उपाध्यक्षमा बिन्दु चन्द, सचिवमा तृप्ती शाही, कोषाध्यक्षमा दत्तराम भट्ट (डीआर), सहसचिवमा विनोदसिंह विष्ट, समावेशी सह सचिवमा प्रेम ओड चयन भएका छन् । यस्तै चार जना राष्ट्रिय परिषद सदस्य र ९ जना प्रदेश परिषद सदस्य समेत चयन गरिएको छ ।
जिल्लामा रहेका पत्रकारका संघ संगठनहरू बीच भएको सहमतिका आधारमा नयाँ कार्यसमिति चयन गरिएको बताईएको छ । विवाद समाधानका लागि नेपाल पत्रकार महासंघ सुदूरपश्चिमका अध्यक्ष योगेश रावल नेतृत्वको टोलीले सर्वसम्मत रुपमा कार्यसमिति चयन गर्ने टुंगो लगाए पछि चयन गरिएको नयाँ कार्यसमितिलाई बिहीबार केन्द्रीय सदस्य विष्टले पदभार ग्रहण गराएका छन । विहिबार बसेको कार्यसमितिको पहिलो बैठकले सदस्यता शुद्धीकरण गर्न चन्द्रप्रकाश लोहिया(सीपी)को संयोजकत्वमा चार सदस्यीय समिति गठन गर्ने निर्णय गरेको बताईएको छ ।
