फागुन ०५ डडेल्धुरा । प्रधानमन्त्री शेरबहादुर देउबाको गृह जिल्ला डडेल्धुरामा कांग्रेस विपी गठन गरिएको छ । विश्वेश्वरप्रसाद कोइरालाको समाजवादलाई आदर्श बनाएर तिलक हमालको संयोजकत्वमा डडेल्धुरामा नेपाली कांग्रेस (बिपी) गठन गरिएको हो । जिल्ला सदरमुकाम डडेल्धुरामा बुधबार हमालको संयोजकत्वमा नेपाली काग्रेस विपी गठन गरिएको हो । नेपाली कांग्रेस बिपीका केन्द्रीय उपसभापति विष्णुप्रसाद ढकालले हमाललाई संयोजकको जिम्मेवारी दिएको बताउदै जिल्लामा छिट्टै कार्य समिति विस्तार गरिने बताउनु भयो । हमाल नेपाली कांग्रेस डडेल्धुराका पूर्व जिल्ला कार्य समिति सदस्य हुन् ।
प्रधानमन्त्री तथा नेपाली कांग्रेसका सभापति शेरबहादुर देउवाको गृहजिल्ला रहेको डडेल्धुरामा पछिल्लो समय कांग्रेस भित्र विवाद देखिँदै आएको छ । गुट–उपगुटमा विभाजित डडेल्धुरा कांग्रेस अन्ततः फुटको संघारमा पुगेको छ । कांग्रेसको १४औं महाधिवेशनमा समेत देउवाले गृहजिल्लामा एकलौटी रूपमा निर्वाचन गरेको आरोप लगाउदै असन्तुष्ट पक्षले पुनः जिल्ला अधिबेसनको माग गर्दै केन्द्रिय कार्यालयमा समेत धर्ना दिएका थिए । पूर्व जिल्ला सभापति कर्ण मल्ल पक्षधर अझै पनि रूष्ट रहेको छ ।
विपी कांग्रेसको संयोजकको जिम्मेवारी पाएका हमालले नेपाली कांग्रेस ठेकेदारको पार्टी भइसकेकाले पार्टी छाडेको बताएका छन् । उनले नेपाली कांग्रेस गरिबको पार्टी नभएर ठेकेदार र धनीको पार्टी भइसकेको आरोप लगाउदै लामो समय देखि कांग्रेसको इमान्दार कार्यकर्ता भएर बसेको भए पनि नेपाली कांग्रेसले बिपीको समाजवाद बिर्सेर अलग बाटो रोजे पछि नेपाली कांग्रेस बिपीमा लागेको जानकारी गराए ।
उनले पार्टीका लागि अहोरात्र खटिने बताउदै ‘व्यक्तिले पार्टीलाई सञ्चालन गर्न थालेकाले, बिपीको समाजवाद हराएकाले पार्टी छाडेको बताए । त्यो पार्टीमा बिपीको समाजवादको परिकल्पना गर्न सकिनँ,’ ‘नेपाली कांग्रेस बिपीको विचार मन प¥यो र यो पार्टीमा प्रबेश गरे उनले भने ।
विशुद्ध समाज सेवा गर्नेले मात्र राजनीति गर्नुपर्ने र राजनीति पेशा नभएको जिकिर गर्दै उनले नेपाली कांग्रेस शेरबहादुर देउवाको खल्तीको पार्टी भएका कारण आफूले कांग्रेस पार्टी छाडेको बताउनु भयो । ‘कांग्रेसका हामी दुःखी कार्यकर्ता हौं, घाँटी रेटीएका कार्यकर्ता हौं, त्यसैले पार्टी छाडेका हौं ।
कांग्रेसको इमान्दार कार्यकर्ता भएका कारण माओवादीको डरले गाउँ छोड्न बाध्य भयौं,’तर हामीजस्ता ईमानदार कार्यकर्तालाई बाहिर पठाएर देउवाले ठेकेदारको पार्टी बनाए उनले भने ।
