प्रकाश बहादुर थापा फागुन ०४ धनगढी । नेपाल कम्युनिस्ट पार्टी लगायत ५ पार्टी र १ मोर्चाको सयुक्त आयोजनमा एमसीसी विरुद्ध आज गरिएको नेपाल बन्दमा बजार ब्याबसाय पूर्ण रुपमा ठप्प रहेको छ । बन्दको प्रभाव सुदूरपश्चिम प्रदेशका विभिन्न जिल्लाहरुमा परेको छ ।
सुदूरपश्मि प्रदेशको अस्थायी राजधानी धनगढीमा विहानै देखि बजार ब्याबसाय विद्यालयहरु पूर्ण रुपमा बन्द रहेका छन । बिहानै देखि नेता कार्यकर्ताहरु सडकमा् उत्रिएर नाराजुलुस सहित चौराह देखि पार्कमोड र पार्कमोड देखि चौराह सम्म बन्दलाई सफल बनाउन प्रदर्शन गरेका छन ।
एमसीसी खारेज गर,देश बेच्न पाइँदैन,नेपाल बन्द सफल पारौ,विप्लव दाइ आदेश देउ लडन हामी तयार छौ जस्ता नाराहरु लगाइ उनिहरुले पदर्शन गरी रहेका छन । नाराजुलुसमा नेपाल कम्युनिस्ट पार्टीका केन्द्रिय सदस्य ओम प्रकाश पुन,दल बहादुर धामी ुअग्नि , कैलाली जिल्ला सेक्रेटरी दिपेन्द्र चलाउने लगायतका नेता कार्यकर्ताहरुको बाक्लो उपस्थिति रहेको छ।
