स्वाश्थ्य मानव समुदायका लागी अत्यन्तै गम्भिर विषय हो । स्वाश्थ्यको लागी मान्छेहरुले लाखौ रुपैया खर्च गर्ने गरेका छन । तर मानव श्वाश्थ्यमा आजकाल खेल्बाड हुदै आएको छ । यो गम्भिर विषय हो । आजकाल अबैध क्लिनिकहरुमा सडक छाप डाक्टरहरुले सेवा दिदै आएका घटनाहरु सार्बजनिक हुदै आएका छन । जसले गर्दा लाखौ रुपैया खर्च गरेर पनि मान्छेहरुको ज्यान ज्याने गरेका थुप्रै उदाहरणहरु छन ।
कञ्चनपुरको शुक्लाफाँटा नगरपालिका झलारी बजारमा रहेको टी एण्ड सी अस्पताल यसैको उदाहरण हो । अबैध रुपमा सञ्चालन भईरहेको यो अस्पतालले कतीको मानव जीवनमा खेल्बाड ग¥यो छानविनको विषय हुन सक्छ । तर मान्छेहरुले सहज र सर्बसुलभ तरीकाले उपचार पाउनु पर्छ र यस्ता अबैध असपतालहरु बन्द गरिनु पर्छ ।
सरकारी निकायबाट अनुमति नलिएर अस्पताल सञ्चालन भईरहदा समेत सरकारी निकाय बेखबर हुनु दुखद विषय हो । टी एण्ड सी अस्पतालका संचालकहरुले पनि यस्तो अबैध धन्दा बन्द गरि अस्पताल दर्ता गरी सेवा प्रबाह गर्न आवश्यक छ ।
स्थानीय शासन सञ्चालन ऐन २०७४ मा १५ शैयासम्मको अस्पताल, क्लिनिक नगरपालिकाले दर्ता गर्ने र जनस्वास्थ्य सेवा ऐन २०७५ को नियमावली २०७६ ले २५ शैयासम्मको अस्पताल स्वास्थ्य कार्यालयले दर्ता गर्ने प्रावधान रहेको भए पनि उक्त अस्पतालले दर्ता नगरी सेवा दिनु भनेको नागरिक माथिको खेल्बाड हो । यस्ता अबैध अस्पतालले विरामीबाट उपचारको नाममा चर्को मूल्य असुल्दै आएको गुनसाहरु पनि उपचारका लागि आउने विरामीहरुले सुनाउने गरेका छन । यस्ता अस्पतालहरुलाई तुरुन्त बन्द गरि कारबाहीको दायरामा ल्याउन आवश्यक छ । नागरिकको स्वाश्थ्यसंग खेल्बाड गर्ने जो कोहीलाई पनि कारबाही गर्न आवश्यक छ ।
