तत्कालीन नेपाल कम्युनिस्ट पार्टी (माओवादी) को नेतृत्वमा महान् जनयुद्ध आरम्भ भएको २७ वर्ष पुगेर २८ वर्ष लागेको छ । जनयुद्ध दिवस मनाउने क्रम सेलाउदै गएको छ । २७ औँ जनयुद्ध दिवस खास गरी औपचारीक्ता निभाउनका लागी मात्र मनाएको जस्तो देखिएको छ ।
विप्लब नेतृत्वको नेकपाले आफ्नै ढङगले कहि झाकी सहित त कहि अनाथहरुलाई सहयोग गरेर जनयुद्ध दिवस मनाएको छ भने सत्ताधारी नेकपाले सहिद दिवसका रुपमा मनाएको छ । जनयुद्धको मुख्य नेतृत्वले युद्धमैदान छाडेर भागेको पनि वर्षौ भइसकेको छ ।
महान् त्याग, समर्पण, उत्सर्ग र बलिदानका गौरवशाली समय, पात्र र घटनाहरू प्रति गौरव गर्दै महत्वको साथ जनयुद्ध दिवस मनाईनु पर्ने भए पनि त्यसो गर्न नसक्नु सत्ताधारी नेकपाले ईतिहास विर्सनु हो । जनयुद्ध समाजमा विद्यमान सबैखाले शोषण, दमन, अत्याचार, अनाचार, व्यभिचार, राष्ट्रघातका विरुद्ध, वैज्ञानिक समाजवाद– साम्यवाद निर्माणका लागि आरम्भ भएको महान् लडाइँ भएकाले जनयुद्धलाई विर्सनु आफु र आफ्नो कर्तब्यलाई विर्सनु हो । महान् जनयुद्धलाई पूरै विघटन गरेर जनयुद्ध दिवसलाई नै विर्सनु स्वय नेताहरुको लागी पनि राम्रो पक्ष होईन ।
विद्रोही नेकपाले पनि जनयुद्ध दिवसलाई धुमधामका साथ मनाउन नसक्नु उसको पनि कमजोरी हो । नेकपाले मालेमावाद र जनयुद्धको असली उत्तराधिकारीका रूपमा आफूलाई निरन्तर अघि बढाइरहेको कुरा गरीरहदा जनयुद्ध दिवस विद्रोही नेकपाले पनि मनाउन नसकेको अबश्था हो ।
२०५२ साल फगुन १ गतेबाट आरम्भ भएको महान् जनयुद्धलाई कसैले कम आकलन गर्न मिल्दैन । जनयुद्ध दिवसको महत्व बुझेर यो दिवसलाई ऐतिहासिक रुपमा लिन जरुरी छ । जनयुद्ध दिवसको महत्व बुझ्न आवश्यक छ ।
