माघ१९,काठमाडौँ । स्ववियु निर्वाचनको माग गर्दै प्रदर्शन गरिएको छ । नेपाल विद्यार्थी सङ्घ नेपाल कमर्स क्याम्पस ईकाइ समितिले स्ववियु निर्वाचनको माग गरेर प्रदर्शन गरेको हो।
त्रिभुवन बिश्वबिध्यालयका आङ्गिक क्याम्पसहरुहरुमा एक दशकभन्दा पनि बढी समय बितिसक्दा पनि निर्वाचन हुन सकेको छैन। प्रदर्शनमा संलग्न विद्यार्थी नेताहरूले त्रिभुवन बिश्वबिध्यालयका अधिकारीसंग सर्वपक्षीय छलफल गरेर तुरुन्तै निर्वाचनको मिति घोषणा गर्न माग गरेका छन्।
स्वतन्त्र विद्यार्थी युनियन चुनाव नगर्दा सीमित स्वार्थ समूहलाई फाइदा भए पनि वास्तविक विद्यार्थीका अजेन्डा ओझेलमा परेको नेपाल विद्यार्थी सङ्घका नेता रवीन्द्र रोकायले बताए।
कुनै पनि बहानामा अझ पनि चुनाव हुने वातावरण तयार नगरिए नेपाल विद्यार्थी सङ्घले थप आन्दोलनका कार्यक्रम घोषण गर्ने बताएको छ।
