माघ २८ धनगढी । भारतसंग जोडिएका सिमानाका चार दिनका लागि बन्द हुने भएका छन् । भारतको उत्तराखण्डमा हुने विधानसभा निर्वाचनका लागि नेपालसंग जोडिएका सीमानाका बन्द हुने जिल्ला प्रशासन कार्यालय कञ्चनपुरले जनाएको छ ।
उत्तराखण्डमा हुने विधानसभा निर्वाचनका लागि कञ्चनपुरको गड्डाचौकी नाका शुक्रबार साझ ६ बजे देखी बन्द हुने कञ्चनपुरका प्रमुख जिल्ला अधिकारी रामप्रसाद पाण्डेयले जानकारी गराउनु भयो ।
उनले माघ २८ गते साँझ ६ बजेदेखी फागुन २ गते साँझ ६ बजे सम्म नाका बन्द हुने जानकारी गराउनु भयो । त्यसैगरी बैतडीको झुलाघाट, दार्चुलाको लाली, जोलजीवी, दत्तु, खलंगा लगायतका भारतसंग जोडिएका नाका बन्द हुने बताईएको छ । निर्वाचनको सुरक्षा संवेदनशीलताका कारण दुवै देशको सहमतिका आधारमा नाका बन्द गरिएको हो ।
