माघ २७ जनकपुरधाम । अर्काको बच्चालाई चोरेर भाग्दै गरेका दुई जनामहिलालाई धनुषाबाट पक्राउ गरिएको छ ।
जनकपुरधाम उप महानगरपालिका वडा नँम्बर ६ बस्ने अमीर राइनका सात महिनाका छोरा अख्तर राइनलाई चोरी गरेर भाग्दै गरेका उनीहरूलाई पक्राउ गरिएको जनकपुर प्रहरीले जनाएको हो ।
पक्राउ गरिएका महिलाहरुको नाम प्रहरीले खुलाएको छैन् । उनीहरूलाई जनकपुरधाम उप महानगरपालिका वडा नम्बर १९ बेंगास्थित चौरीबाट पक्राउ गरिएको प्रहरीले बताएको छ ।
बच्चा चोरी गर्दै गर्दा पक्राउ परेकी महिलालाई सार्वजनिक गर्न धनुषा प्रहरीले आज ३ बजे पत्रकार सम्मेलनको आयोजना गरेको छ ।
