माघ २७ कञ्चनपुर । कञ्चनपुरमा ८६ हजार भेडा र बाख्रालाई पिपिआर विरुद्धको खोप लगाइएको छ। पिपिआरबाट जोगाउन कञ्चनपुरका नौवटै स्थानीय तहका किसानले पालेका बाख्रा र भेडालाई पिपिआर रोगविरुद्धमा खोप लगाइएको हो।

भेटेरिनरी अस्पताल तथा पशु सेवा विज्ञ केन्द्र कञ्चनपुरका सूचना अधिकारी शंकरदत्त जोशीका अनुसार चालु आर्थिक वर्ष २०८÷७९ को दोस्रो चौमासिकमा भेडा, बाख्रामा लाग्ने पिपिआर महामारी रोगविरुद्धमा खोप लगाइएको हो।

भीमदत्त नगरपालिकामा ११ हजार ५ सय, बेदकोट नगरपालिकामा ११ हजार ५ सय, दोधाराचाँदनी नगरपालिकामा ११ हजार ५ सय, कृष्णपुर नगरपालिकामा १० हजार, पुनर्वास नगरपालिकामा १० हजार ५ सय, बेलौरी नगरपालिकामा ८ हजार, शुक्लाफाँटा नगरपालिकामा ११ हजार ५ सय, लालझाडी गाँउपालिकामा ८ हजार र बेलडाँडी गाँउपालिकामा ५ हजार भेडा बाख्रामा खोप लगाइएको सूचना अधिकारी जोशीले जानकारी दिए।

‘चालु आर्थिक वर्षमा ९० हजार भेडा बाख्रालाई पिपिआर खोप लगाउने लक्ष्य रहेको बताउदै उनले ‘दोस्रो चौमासिकमै ८६ हजार भेडा बाख्रालाई खोप लगाइसकेको बताए । उनले अभियान निरन्तर जारी रहने बताउदै एक पटक खोप लगाइसके पछि तीन वर्षका लागि ढुक्क हुने बताउनु भयो । खोप लगाएका भेडा र बाख्राको मासु उपभोग गर्दा लाभदायक हुने बताउदै उनले पिपिआर बाख्रा र भेडामा लाग्ने एक प्रकारको हैजा महामारी रोग भएको जानकारी गराए