माघ २५ धनगढी । प्रेस चौतारी नेपाल कैलालीको अध्यक्षमा भानुभक्त आचार्य चयन भएका छन् ।
मंगलबार सम्पन्न भएको सातौं जिल्ला अधिवेशनबाट उपाध्यक्षमा निराजन परियार, उपाध्यक्ष (महिला) मा गीता चौधरी, सचिवमा जनकसिंह विष्ट, सह सचिवमा प्रेम विष्ट र कोषाध्यक्षमा लोकुसिंह ठकुरी चयन भएका छन् । यस्तै सदस्यहरूमा राम सुनार, अंकित उप्रेती, रोशनी बिक, सागर परियार, अनिला स्वर्णकार, खगेन्द्र अवस्थी र कुलराज चौधरी चयन भएका छन् । समावेशीतर्फका सह सचिव र पाँच जना कार्य समिति सदस्य भने जिल्ला कार्य समितिले मनोनित गर्ने भएको छ ।
यसैबीच प्रेस चौतारी कैलालीले चार जना पूर्व अध्यक्ष हेमन्त पौडेल, शेरबहादुर बस्नेत, वीरेन्द्र रावल र मातृका तिमिल्सेनालाई सम्मान गरेको छ ।