माघ २५ धनगढी । बसले मोटरसाइकललाई ठक्कर दिँदा एक जना घाइते भएका छन । पूर्वपश्चिम राजमार्ग अन्तर्गत कैलालीको गोदावरी नगरपालिका वडा नम्बर ८ जमुनाघाडी चोकमा बझाङ जाँदै गरेको सुपप्र ०१००१ ख २१८६ नम्बरको बसले विपरीत दिशाबाट आइरहेको से २ प ५४०८ नम्बरको बसले मोटरसाइकललाई ठक्कर दिँदा एक जना घाइते भएका हुन ।
दुर्घटनामा मोटरसाइकल चालक गोदावरी नगरपालिका वडा नम्बर ९ बल्मीका ३९ वर्षीय पदम खत्री घाइते भएको ट्राफिक प्रहरी कार्यालय अत्तरियाले जनाएको छ । खत्रीको अत्तरियास्थित पद्मा अस्पतालमा उपचार भइरहेको प्रदेश ट्राफिक प्रहरी कार्यालय अत्तरियाले जनाएको छ । बस सहित चालक बझाङको बित्थडचीर गाउँपालिका वडा नम्बर ५ का २८ वर्षीय सञ्जय महरलाई नियन्त्रणमा लिइएको प्रहरीले जानकारी गराएको छ ।
