माघ २२ र्कलाली । कैलालीको पृथ्वीपुर छोटी भन्सार विगत दुई वर्षदेखि बन्द अबश्थामा रहेको छ । कोरोनाको सङ्क्रमण बढेपछि पहिलो चरणको बन्दाबन्दीसँगै बन्द भएको कैलालीको भजनी नगरपालिका वडा नम्बर ५ मा रहेको पृथ्वीपुर छोटी भन्सार सबै सिमानाका खुला भइसक्दा पनि बन्द अबश्थामा रहेको हो । छोटी भन्सार बन्द हुँदा भन्सार कार्यालयको परिसर पनि जिर्ण बन्दै गएको स्थानीयवासीले जानकारी
गराएका छन । कार्यालय परिसरमा झारपात उम्रनुका साथै भवन संरक्षणको अभाव देखिएको स्थानीयवासीले जानकारी
गराए । सरकारले भारतसँग सिमा जोडिएका सबै सिमानाका खुला गर्ने निर्णय गरे पनि पृथ्वीपुर छोटी भन्सार सञ्चालनमा नआउँदा त्यहाँबाट सङ्कलन हुँदै आएको राजस्व पनि बन्द भएको स्थानीयवासीले जानकारी
गराए ।
खक्रौलास्थित सत्ती भन्सार कार्यालयको मातहतमा रहेको उक्त छोटी भन्सार बन्द हुँदा चोरी तस्करीका घटना समेत बढ्दै गएको स्थानीयवासीले बताएका छन । भन्सार कार्यालय खुला हुँदा कम्तीमा पनि स्थानीयवासीले ल्याउने घरायसी सामानको भन्सार महशुल तिरेर ल्याउने गरेको भजनी नगरपालिका वडा नम्बर५ का सुरेन्द्र चौधरीले बताएका छन । भन्सार तथा आसपासका क्षेत्रमा रातिको समयमा निकै हलचल हुने गरेको उनले बताउदै चोरी तस्करीको सामान आयात हुनेगरेको बताए ।
सत्ती भन्सार कार्यालय, प्रहरी प्रशासन र स्थानीय जनप्रतिनिधिलाई पनि तस्करी बारे जानकारी हुने गरेको बताउदै कहिलेकाहीँ बार्गेनिङ नमिलेपछि मात्रै कारबाही हुने गरेको स्थानियले बताएका छन । सत्ती भन्सार कार्यालयका प्रमुख विमलकुमार साहले कोरोनाका कारण पहिलो चरणको बन्दाबन्दीका समयमा बन्द भएका देशभरका कुनै पनि छोटी भन्सार सञ्चालनमा आउन नसकेको बताए ।
भन्सार विभागबाट छोटी भन्सार सञ्चालनमा ल्याउनका लागि अख्तियारी नआएका कारणले पनि छोटी भन्सार सञ्चालनमा ल्याउन नसकिएको बताउदै उनले चाहेर पनि भन्सार खुला गर्न नसक्ने बताए । विभागको अख्तियारी चाहिने बताउदै उनले अख्तियारी अहिले सम्म नआएकाले सञ्चालन गर्न नसकिएको भन्सार प्रमुख साहले बताए । अख्तियारी आए पछि भन्सार सञ्चालनमा ल्याउन कुनै कठिनाइ नहुने बताउदै उनले छोटी भन्सार बन्द भएकै कारण चोरी तस्करीका घटनामा वृद्धि भएको भन्नु गलत भएको
बताए । उनले राजस्व सङ्कलन भने बन्द भएको बताए ।
वार्षिक करिब ४० लाख भन्दा भन्दा बढी राजस्व सङ्कलन छोटी भन्सारबाट हुँदै आएको बताउदै उनले घरायसी सामान ल्याउनेबाट सामान्य भए पनि राजश्व सङ्कलन हुने गरेकामा अहिले हुन नसकेको जानकारी गराए ।