माघ २१ धनगढी । गोदावरी नगरपालिकाले चालु आर्थिक बर्षको पहिलो ६ महिनामा लक्ष्य भन्दा आधा राजस्व संकलन गरेको छ ।
नगरपालिकाले पुष २० गते सम्म ८ करोड २५ लाख ८ हजार १ सय ३ राजस्व संकलन गरेको हो । नगरपालिकाले आर्थिक बर्षमा १६ करोड ४५ लाख ४२ हजार ५ सय राजस्व उठाउने लक्ष्य लिएको छ ।
सबै भन्दा बढी घर जग्गा रजिस्ट्रेशन दस्तुर बाट ३ करोड ५५ लाख राजस्व संकलन भएको नगरपालिकाका राजस्व शाखा प्रमुख राजेश प्रसाद जोशीले जानकारी गराउनु भयो ।
शाखा प्रमुख जोशीले मालपोत कार्यालयबाट नगरपालिकालाई प्राप्त हुने राजस्व भएको जानकारी गराउदै अन्य सेवा शुल्क तथा बिक्रीबाट १ करोड ८७ लाख ९६ हजार ३ सय ९५ राजस्व उठेको शाखा प्रमुख जोशीले जानकारी गराए ।
त्यसैगरी सम्पती करबाट २३ लाख ८४ हजार ७ सय २१, भुमीकरबाट ४९ लाख ५८ हजार २ सय ४८ , अन्य करबाट ५७ लाख २० हजार ३ सय ८० राजस्व संकलन गरिएको उनले जानकारी गराए ।
त्यस्तैगरी पार्किङ शुल्कबाट १८ लाख ८५ हजार ५ सय , सिफारिस दस्तुरबाट ३२ लाख १७ हजार ८ सय ६८ ,घर जग्गा बहाल करबाट १९ लाख ७७ हजार ४ सय ८३ राजस्व संकलन भएको राजस्व शाखा प्रमुख जोशीले जानकारी गराए ।
उनले चालु आर्थिक बर्षको ६ महिनामा राजस्व संकलन सन्तोषजनक रहेको जानकारी गराए ।