माघ २१ धनगढी । सुदूरपश्चिम प्रदेशमा १ सय २५ जनामा कोरोना संक्रमणको पुष्टि भएको छ । पछिल्लो २४ घण्टामा १ हजार ५९ नमूनाको कोरोना जाँच गर्दा १ सय २५ जनामा कोरोना संक्रमणको पुष्टि भएको हो ।
एन्टिजेन बिधिबाट ९ सय १२ नमूना जाँच गर्दा ७७ जना र पीसीआर बिधिबाट १ सय ४७ जनाको जाँच गर्दा ४८ जना गरी १ सय २५ जनामा कोरोना संक्रमणको पुष्टि भएको स्वास्थ्य निर्देशनालय डोटीले जनाएको छ । शुक्रवार गरिएको परिक्षणमा ९ सय ३४ नमूनाको नतिजा भने नेगेटिभ आएको स्वास्थ्य निर्देशनालय डोटीले जनाएको छ ।
यो संगै प्रदेशमा कोरोना संक्रमितको संख्या ५८ हजार ५ सय ९१ पुगेको स्वास्थ्य निर्देशनालय डोटीले जनाएको छ । पछिल्लो २४ घण्टामा ३ सय २६ जना कोरोना संक्रमणबाट मुक्त भएको स्वास्थ्य निर्देशनालय डोटीले जनाएको छ । योसंगै कोरोना संक्रमणबाट मुक्त हुनेको संख्या ४० हजार ५ सय २३ पुगेको स्वास्थ्य निर्देशनालय डोटीले जनाएको छ ।
