माघ २० कैलाली । कैलालीका अधिकांश स्थानीय तहले हिउँदे अधिवेशनको गर्न सकेका छैनन् । प्रथम अधिवेशन भएको छ महिनाभित्र दोस्रो अधिवेशन गरी सक्नु पर्ने व्यवस्था भए पनि स्थानीय तहले अहिले सम्म हिउँदे अधिवेशन गर्न गर्न नसकेका हुन । संवैधानिक व्यवस्था अनुसार स्थानीय तहले हिउँदे अधिवेशन गत पुस महिनामै सुरू गर्नु पर्ने भए पनि अहिले सम्म हुन नसकेको हो ।
टीकापुर नगरपालिकाको नगरसभा सञ्चालन कार्यविधि २०७४ अनुसार एउटा अधिवेशन समाप्ति र अर्को बैठक प्रारम्भका बीचको अवधि छ महिना भन्दा बढी नहुने उल्लेख छ । सो कार्यविधि अनुसार नगरपालिकाले पुस महिना भित्र स्थानीय तहले हिउँदे अधिवेशन गरी ुक्नु पर्नेमा अहिले सम्म गर्न सकेका छैनन् । हिउँदे अधिवेशन गरिसक्नु पर्ने भए पनि माघ महिनाको तेस्रो साता भइसक्दा समेत अधिवेशन बोलाउने कुनै तयारी नगरपालिकाले गरेको छैन । नगर प्रवक्ता दीर्घबहादुर ठकुल्लाले हिउँदे अधिवेशन पुस महिनामै बोलाउनु पर्ने भए पनि नगरसभाका लागि आवश्यक ‘एजेन्डा’ तय नभइसकेका कारणले पनि ढिलाइ भएको बताए । अधिवेशन बोलाउने नगर प्रमुखले हो, अहिले सम्म नगरसभा बोलाउनेबारे कुनै छलफल पनि भएको छैन’, उनले भने, ‘हामीले भनेर हुँदैन, माघमा पनि अधिवेशन बोलाउने सम्भावना निकै कम भइसकेको छ । सम्भवत हिउँदे अधिवेशन फागुनमा हुन्छ होला । उनले नगरपालिकाले भर्खर चालु आर्थिक वर्षको आयोजनाको बोलपत्र प्रक्रिया सुरू भएकाले बोलपत्र हुन नसकेका र योजना फेरबदल गर्नुपर्ने हुन सक्ने भएकाले पनि हिउँदे अधिवेशन सुरू हुन समय लागेको जानकारी दिए ।
नगर सभा तथा गाउँ सभा बोलाउनु भन्दा १५ दिन पहिले नगरप्रमुख वा अध्यक्षले सूचना जारी गर्नुपर्ने व्यवस्था रहेको छ । सो व्यवस्थाको केही स्थानीय तहले कार्यान्वयन गरेको भए पनि केही जनप्रतिनिधि सो व्यवस्थाको जानकारी नभएको जस्तो समेत गर्दै आएका छन् ।
भजनी नगरपालिकाले पनि हिउँदे अधिवेशनको कुनै तयारी गरेको छैन । नगरपालिकाले यही माघ महिना भित्रै नगर अधिवेशन गर्ने बताए पनि नगर सभाको कार्यविधि अनुसार माघमा सम्भव देखिएको छैन । नगर प्रमुख शेरबहादुर चौधरीले नगरसभा तयारीमा रहेको अवस्थामा अधिकांश कर्मचारी र जनप्रतिनिधिलाई कोरोना संक्रमण हुँदा कार्यालय नै बन्द गर्नुपरेको बताए ।‘माघ महिनामा हिउँदे अधिवेशन गर्ने तयारी भिएके बताउदै उनले संक्रमणका कारण प्रभावित भएको जानकारी गराए । उनले नगर सभाको उद्घाटन त माघ महिना िभत्रै गर्ने बताउदै गत वर्षभन्दा ढिलो भएको बताएका छन ।