माघ १९ धनगढी,
धनगढी पेट्रोलियम पदार्थमा भएको मूल्यवृद्धिको विरोधमा प्रदर्शनमा उत्रेको एमालेका कार्यकर्ता र प्रहरीबीच झडप भएको छ। मुख्यमन्त्री तथा मन्त्रिपरिषद्को कार्यालय अगाडि एमाले निकट अनेरास्ववियू र राष्ट्रिय युवा संघले विरोध प्रदर्शन गर्दा झडप भएको हो ।
अनेरास्ववियूका जिल्ला अध्यक्ष किशोर शाहले प्रहरीले शान्तिपूर्ण आन्दोलनमा लाठी चार्ज गरेर दमन गरेको बताएका छन । त्यसैगरी जिल्ला प्रहरी कार्यालय कैलालीका प्रहरी नायब उपरीक्षक वेदप्रकाश जोशीले प्रधानमन्त्री शेरबहादुर देउवाको पुत्ला दहन र राके जुलुस निकाल्न खोज्दा धरपकड भएको बताए। धरपकडमा वडा प्रहरी कार्यालय धनगढीका प्रमुख, प्रहरी निरीक्षक गौरीशंकर जैशी घाइते भएकोे उनले बताएका छन । ‘जैशीको कानमा चोट लागेको बताउदै, ‘सेती प्रादेशिक अस्पतालमा उपचारपछि आराम गरिरहेको उनले बताए । छन्।’
अनेरास्ववियू र राष्ट्रिय युवा संघले तत्काल पेट्रोलियम पदार्थमा भएको मूल्यबृद्धि फिर्ता लिनुपर्ने भन्दै विरोध प्रदर्शन गरेका थिए। पेट्रोलियम पदार्थमा भएको मूल्यबृद्धि फिर्ता नभएसम्म आन्दोलन जारी राख्ने उनीहरुले बताएका छन्।
नेपाल आयल निगमले पेट्रोलमा प्रतिलिटर तीन रुपैयाँ मूल्य बढाएको जनाएको छ। योसँगै अब पेट्रोल प्रतिलिटर १ सय ४२ रुपैयाँ पुगेको छ भने डिजेल र मट्टितेल १ सय २५ कायम भएको छ।