माघ १९ दार्चुला
जिल्ला अस्पताल दार्चुलामा अक्सिजन प्लान्ट सञ्चाल गरिएको छ । बिजुली नहुँदा जिल्ला अस्पतालमा लामो समय देखि अक्सिजन प्लान्ट सञ्चालनमा आउन सकेको थिएन ।
कोरोना भाइरसको सङ्क्रमणका समयमा अक्सिजन प्लान्टको महशुस गरी गत हप्ता प्लान्ट स्थापना
गरिएको हो ।
सुदूरपश्चिम प्रदेश सरकारले छुट्याएको बजेट अनुसार अस्पतालले उक्त प्लान्ट जडान गरिएको जिल्ला अस्पताल दार्चुलाका प्रमुख डाक्टर आर्दश लिम्बुले जानकारी गराउनु
भयो ।
अक्सिजन प्लान्ट जडान पछि अबदेखि अक्सिजनको अभाव नहुने डाक्टर लिम्बुले जानकारी गराए । उनले विगतमा अक्सिजनको अभाव भएको बताउदै प्लान्ट जडान भए पछि अक्सिजन अभावका कारण जनतालाई कुनै हैरानी नहुने बताउनु भयो । उनले अक्सिजन जडानले दार्चुलाका नागरिकको जीवन रक्षाको सहयोग पुगेको भन्दै उनले यसको लागि विशेष पहल गरिदिने र बजेट छुट्टयाईदिने दार्चुलाबाट निर्वार्चित प्रदेश सांसद देखि लिएर केन्द्रका सांसद मन्त्रीहरुलाई विशेष धन्यवाद दिएका छन ।
जिल्ला अस्पताल दार्चुलामा दैनिक ४० लिटर क्षमताको ४०–५० वटा सिलिन्डर अक्सिजन ग्यास भर्न सक्ने क्षमताको अक्सिजन प्लान्ट जडान गरिएको उनले बताउनु भयो ।
अब प्लान्ट र मेसिन सन्चालनका लागि पर्याप्त विद्युत आपूर्तिको आवश्यक भएकोले सोको लागि नियमित विद्युत आपूर्तिमा ध्यान दिन सम्बन्धित सबैमा लिम्बुले आग्रह समेत गरेका छन ।