माघ १३ धनगढी
केन्द्रीय तथ्याङ्क विभागले सार्वजनिक गरेको जनगणनाको प्रारम्भिक विवरणले सुदूरपश्चिम प्रदेशका पाँच वटा पहाडी जिल्लाको जनसंख्या घटेको देखिएको छ ।
भाद्र ३० देखि असोज १८ गतेसम्म पहिलो र कार्तिक २५ देखि मंसिर ९ सम्म दोश्रो चरणमा गरिएको राष्ट्रिय जनगणना , २०७८ को प्रारम्भिक तथ्याङ्कले सुदूरपश्मि प्रदेशका सात वटा पहाडी जिल्ला मध्ये पाँच जिल्लामा जनसंख्या घटेको देखाएको हो ।
२०६८ सालकोे जनगणनामा दुई लाख ५७ हजार ४ सय ७७ कूल जनसंख्या रहेको अछाम जिल्लामा यस वर्षको जनगणनाले दुई लाख २९ हजार १ सय १६ जनसंख्या देखाएको छ । यो जनगणनामा अछामको जनसंख्या २८ हजार ३ सय ६१ ले घटेको छ । त्यसैगरी बझाङ्गको जनसंख्या पनि घटेको यो जनगणनाले देखाएको छ । १० वर्ष अघि बझाङको जनसंख्या १ लाख ९५ हजार १ सय ५९ रहेकोमा यस वर्ष घटेर १ लाख ८९ हजार ९७ रहेको छ । बझाङमा ६ हजार ६२ ले जनसंख्या घटेको छ । त्यसैगरी ०६८ को जनगणनामा २ लाख ११ हजार ७ सय ४६ डोटीको जनसंख्या रहेकामा हाल २ लाख ५ हजार ६ सय ८३ रहेको छ । १० वर्षको यो अवधिमा डोटीको जनसंख्या ६ हजार ६३ ले घटेको छ । त्यसैगरी १० वर्ष अघि २ लाख ५० हजार ८ सय ९८ जनसंख्या रहेको बैतडीमा हाल २ लाख ४४ हजार ४ सय जनसंख्या कायम भएको छ ।
बैतडी जिल्लाको जनसंख्या पनि १० बर्षको अबधीमा ६ हजार ८ सय ९४ ले घटेको तथ्याङले देखाएको छ । डडेल्धुरा जिल्लाको जनसंख्या पनि घटेको तथ्याङले देखाएको छ ।
०६८ सालको जनगणनामा १ लाख ४२ हजार ९४ जनसंख्या रहेको डडेल्धुरामा यसपालीको जनगणनाले १ लाख ३९ हजार ४ सय २० मात्र देखाएको छ । १० वर्षमा यस जिल्लाको जनसंख्या र्२ हजार ६ सय ७४ ले घटेको छ । अन्यदुई पहाडी जिल्लाहरू बाजुरा र दार्चुलामा थोरै भए पनि जनसंख्याबृद्धि भएको देखिन्छ ।
०६८ सालको जनगणनामा १ लाख ३४ हजार ९ सय १२ जनसंख्या रहेको बाजुरामा हाल १ लाख ३८ हजार ९ सय ९८ जनसंख्या पुगेको छ । १य बर्षमा बाजुरामा ४ हजार ८६ जनसंख्या बृद्धी भएको तथ्याङकले देखाएको छ ।
त्यसैगरी ०६८ सालको जनगणनामा १ लाख ३३ हजार २ सय ७४ जनसंख्या रहेको दार्चुलामा हाल १ लाख ३५ हजार ५६ जनसंख्या पुगेको छ । दार्चुलामा पनि १० बर्षमा १ हजार ७ सय ८२ ले जनसंख्या बृद्धी भएको छ । त्यसैगरी सुदूरपश्मि प्रदेशको तराईका दुई जिल्लाहरू कैलाली र कञ्चनपुरको जनसंख्या पहाडी जिल्लाको तुलनामा उल्लेख्य मात्रामा बृद्धि भएको तथ्याङ्कले देखाएको छ ।
०६८सालको जनगणनामा ७ लाख ७५ हजार ७ सय ९ रहेको कैलालीको जनसंख्या हाल ९ लाख ११ हजार १ सय ५५ पुगेको छ । कैलालीमा १इ बर्षको अबधीमा १ लाख ३५ हजार ४ सय ४६ ले जनसंख्या बृद्धी भएको हो । त्यसैगरी ०६८ सालको जनगणनामा ४ लाख ५१ हजार २ सय ४८ कञ्चनुरको जनसंख्या रहेकोमा हाल ५ लाख १७ हजार ६ सय ४५ पुगेको छ । १० वर्षमा कञ्चनपुरको जनसंख्यामा ६६ हजार ३ सय ९७ ले बृद्धि भएको छ ।