माघ १३ बैतडी
पानी परेपछि बाली सप्रीने आसमा बैतडीका किसान खुसी भएका छन । बैतडीको उच्च पहाडी क्षेत्रमा दोस्रोपटक बुधबार हिमपात भए पछि बाली सप्रीने आसमा किसान खुसी भएका हुन ।
केही दिनदेखि मौसम परिवर्तनले देहीमाडौं, ढोल्यामोड, अनारखोली, खोडपे, सुपले, रौलाकेदार, सतबाँझ कठपते लगायतका स्थानमा हिमपात भएको बैतडीका प्रहरी प्रवक्ता, प्रहरी निरीक्षक दर्शन खड्काले जानकारी दिए । वर्षासँगै हिमपात भएपछि बाली सप्रिने आशामा किसानहरु खुसी भएको उनले बताए । हिमपात र वर्षाले गहुँ लगायतका हिउँदेबाली सप्रिने उनहरूले विश्वास गरेका छन । हिमपात र वर्षाले हिउँदे बालीलाई फाइदा पुग्ने दशरथचन्द नगरपालिका १ का किसान राजबहादुर टेरले बताए । उनले ’समय समयमा भइरहेको वर्षा र हिमपातले बाली सप्रिने, बताउदै वषार्ले हिउँदेबाली र फलफूल उत्पादन बढ्ने भएकाले किसानहरु खुसी भएको बताए ।
चिसो बढे पनि वर्षा र हिमपातले बालीनालीका लागि सहयोग भएको उनले बताए । वर्षासँगैको हिमपातले चिसो बढेकोले जनजीवन कष्ठकर बनेकाले स्वास्थ्य सावधानी अपनाउन स्वास्थ्यकर्मीले सुझाएका छन् । चिसोले बालबालिका तथा वृद्धवृद्धाहरूलाई बढी असर गर्ने भएकाले उनीहरूको ख्याल गर्न आग्रह गरिएको छ ।