माघ १२ धनगढी
सुदूरपश्चिम प्रदेशका पाँच जिल्लामा क्रिकेट सङ्घको अधिवेशन सम्पन्न भएको छ । हालै सम्पन्न भएको अधिवेशनबाट पाँचवटै जिल्लामा नयाँ नेतृत्व चयन भएको हो ।
अधिवेशनबाट बैतडीमा विनोद बहादुर चन्द, बझाङमा पवीन्द्र बहादुर धामी, डडेल्धुरामा हरिप्रसाद उप्रेती, कञ्चनपुरमा वीरेन्द्र बहादुर चन्द र अछाममा अनिल कुँवरको अध्यक्षतामा नयाँ नेतृत्व चयन गरिएको हो ।
सुदूरपश्चिम प्रादेशिक क्रिकेट सङ्घका सचिव तेजप्रकाश भट्टले अधिवेशन सम्पन्न सबै जिल्लामा सर्वसम्मत रुपमा नेतृत्व चयन गरिएको जानकारी गराए । नयाँ कार्यसमितिको कार्यकाल आगामी चार वर्षका लागि हुने जानकारी गराउदै उनले नेपाल क्रिकेट सङ्घ क्यानमा आबद्ध सुदूरपश्मि प्रदेशका कैलाली, डोटी र दार्चुलामा अर्को वर्ष अधिवेशन हुने जानकारी गराउनु भयो ।
नेपाल क्रिकेट सङ्घमा देशभरबाट ३५ जिल्ला आबद्ध रहेको र तीमध्ये २० जिल्लाको म्याद सकिएकाले नयाँ नेतृत्व चयन गरेको जानकारी गराउदै बाँकी १५ जिल्लामा अर्को वर्ष अधिवेशन हुने नेपाल क्रिकेट सङ्घ क्यानले जनाएको छ ।