माघ ११ धनगढी ,
सुदूरपश्चिम प्रदेशमा थप ६ सय ५२ जनामा कोरोना भाइरस संक्रमणको पुष्टि भएको छ । मंगलबार प्रदेशका विभिन्न प्रयोगशालामा एक हजार ९ सय ७३ जनाको नमुना परीक्षण गर्दा थप ६ सय ५२ जनामा कोरोना भाईरस संक्रमणको पुष्टि भएको हो । पाँच सय नमुना पिसिआर गर्दा ३ सय २६ जना र एक हजार ४ सय ७३ नमुना एन्टिजेन विधिबाट परीक्षण गर्दा ३ सय २६ जना गरी थप ६ सय ५२ जनामा कोरोना भाइरस संक्रमणको पुष्टि भएको स्वास्थ्य निर्देशनालय डोटीले जनाएको हो । त्यस्तैगरी २४ घण्टामा १ सय ३३ जना कोरोना संक्रमणबाट मुक्त भएका छन् । भारतबाट फर्किएका १ सय १६ जनामा संक्रमणको पुष्टि भएको स्वास्थ्य निर्देशनालय डोटीले जनाएको छ । पछिल्लो २४ घण्टामा गौरीफन्टा नाकाबाट आएका ५४ जनामा, गड्डाचौकी नाकाबाट आएका ५७ जनामा, झुलाघाट नाकाबाट आएका तीन जनामा र पुलघाट नाकाबाट र जोलजिमी नाका दार्चुलाबाट आएका एक ÷ एक जना गरी १ सय १६ जनामा कोरोना संक्रमणको पुष्टि भएको स्वास्थ्य निर्देशनालय डोटीले जनाएको छ ।