माघ ११ कञ्चनपुर,
कर्मचारीमा कोरोनाको संक्रमणको पुष्टि भएपछि जिल्ला निर्वाचन कार्यालय कञ्चनपुरले अर्को सूचना प्रकाशित नहुँदासम्मका लागि आजदेखि सेवा स्थगन गरेको छ ।
कार्यालयले सार्वजनिक सूचना जारी गर्दै कार्यालयका विभिन्न फाँटमा कार्यरत कर्मचारीमा कोभिड–१९ प्रमाणित भएको र अन्य कर्मचारीमा समेत कोरोनाका लक्षण देखापरेको हुँदा सेवा स्थगन गरेको जनाएको छ । अर्को सूचना प्रकाशित नहुँदासम्म कार्यालयको आन्तरिक कामकाज बाहेक मतदाता नामावली सङ्कलन तथा अद्यावधिक सम्बन्धी सम्पूर्ण कार्य स्थगन गरिएको सूचनामा उल्ल्ेख गरिएको छ । यस अघि निर्वाचन कार्यालयले मतदाता नामावली सङ्लन र अद्यावधिक कामका लागि टोकन प्रणाली मार्फत सेवा दिदै आएको भए पनि कर्मचारीमा कोरोनो संक्रमणको पुष्टि भएपछि सेवा स्थगन गरेको सूचनामा उृल्लेख गरिएको छ ।