माघ १० बझाङ
नेपाल कम्युनिस्ट पार्टी निकट विद्यार्थी संगठन अखिल (क्रान्तिकारी) जिल्ला समिति बझाङले भ्रष्टाचार गरेको भन्दै वडा अध्यक्ष र वडा सचिवलाई कालोमोसो दलेको छ ।
बझाङको वित्थडचिर गाउँपालिका वडा नम्बर ८ का अध्यक्ष जयबहादुर मल्ल र वडा सचिव दत्तराम अवस्थीलाई लाखौँ रुपैया भ्रष्टाचार, अनियमितता गरेको आरोपमा अखिल क्रान्तिकारीले कारवाही स्वरुप कालो मोसो दलेको हो । संगठनले सोमबार विज्ञप्ति जारी गर्दै कारवाही गर्नका कारण सहित उनीहरूलाई जनकारवाही गरेको जानकारी गराएको हो ।
१ करोड ५० लाखको खानेपानी योजना धारा निर्माण पानी सञ्चालन नगर्दै काम गर्ने मजदुरलाई ज्वाला नदिई कमिशन खाएर बजेट पास गरेको, सडक बनाउँदा कमिसन दिने मान्छेलाई मात्र उपभोक्ता समितिको अध्यक्ष बनाएको, सडक बनाउँदा अनआवश्यक दुई ठाँउबाट कटिङ गरी १० लाख हिनामिना गरेको र वडामा व्यवस्थापनको नाममा वर्षेनी ३ लाख ५० हजार हिनामिना गर्ने गरेको अखिल क्रान्तीकारीले आरोप लगाएको छ । त्यसैगरी मृत्यु भएका नागरिकको मृत्यु दर्ता नगरी चार बर्षको लाखौँ रुपैया कागज मिलाएर वडा सचिव र वडा अध्यक्षले हिनामिना गरेको,वडा कार्यालयको सवारी साधनमा नम्बर प्लेट चेन्ज गरि ब्यपारीको जाडरक्सी ढुवानी गर्ने गरेको,सेवाग्राहीले सूचनाहक अन्तर्गत रहेर सूचना माग्दा सूचना नदिने, गुनासो गर्दा सेवाग्राहीलाई धम्कीदिने गरेको, नेकपा पार्टीको न्यायपूर्ण आन्दोलनलाई जथाभावी भण्डाफोर गर्दै आफ्नो पदिय मर्यादा ख्याल नगरि पार्टीबिरुद्ध सुराकी गरेको,पर्यटकीय स्थलका नाममा आफ्ना पितरका मन्दिर मात्र बनाएको र काम पनि आफ्ना घरका मात्र राखेर मजदुरी गराएको कारबाही स्वरुप कालोमोसो दलेको विज्ञप्तीमा उल्लेख गरीएको छ ।