माघ ९ दार्चुला,
व्यास गाउँपालिकाको छाङ्गरु तिङ्कर जोड्ने घोरेटो बाटो निर्माणको काम बर्ष सम्पन्न गरिने भएको छ ।
महाकाली राजमार्ग सम्पन्न गर्न लामो समय लाग्ने देखिएकाले तत्कालका लागि स्थानीयवासीको पहुँच पु¥याउन सुरु गरिएको घोरेटो बाटो निर्माण कार्य यसै बर्ष सम्पन्न हुने भएको हो ।
स्थानीय पूर्वाधार विभागका प्रवक्ता शङ्करप्रसाद पण्डितले गत आर्थिक बर्षमा ठेक्का भएको घोरेटो बाटोे निर्माण कार्य चालू आर्थिक बर्षमा सुरु भएको बताउदै यसै बर्ष काम सम्पन्न गरिने बताए ।
यसै बर्ष काम सकाउने गरी काम भई रहेको बताउदै उनले अन्यत्र काम भइरहे पनि केही खण्डमा कठीन चट्टानका कारण समस्या भएको बताए । झण्डै एक किलोमीटर खण्डमा कडा चट्टान नै चट्टान रहेको बताउदै उनले ‘त्यो खण्डबाहेक अरुतिर निर्माण सकिने बताए । निर्माण सम्पन्न हुँदा व्यास गाउँपालिकाको छाङ्गरु, तिङ्कर, दुम्लिङ, कल्जु, माल लगायतका स्थानका बासिन्दालाई सुविधा पुग्ने उनले बताए । स्थानीयवासीलाई जिल्ला सदरमुकाम सम्म पुग्न भारतीय भूमि पुग्नु पर्ने बाध्यता हट्ने उनले बताए ।
खासगरी सङ्घीय सरकारले राष्ट्रिय महत्वका सडक निर्माण गर्ने भए पनि सडक र घोरेटो बाटो दुवै नहुँदा स्थानीयवासीको जनजीवन कठीन भएकाले यसको निर्माण सङ्घीय बजेटबाट नै भइरहेको बताइृएको छ । अहिले घोरेटो बाटो निर्माण भइरहेको ठाउँ महाकाली किनारको भिरमा रहेको प्रवक्ता पण्डितले बताए । यसको लम्बाइ झण्डै २६ किमी रहने बताइएको छ । छब्बिस किमी मध्ये पनि कतिपय खण्डमा विगत देखि नै राम्रो अवस्थामा काम भइरहेकाले अहिले थप काम गर्न नपर्ने प्रवक्ता पण्डितले बताए । त्यसका बीच बीचमा गर्नुपर्ने काम भइरहेको बताउदै उनले महाकाली राजमार्ग निर्माण पनि घोरेटो बाटोको नजिकै रेखाङ्कन हुनसक्ने बताए । कठिन भूगोलका कारण विस्तार हुन नसकेको ठाउँ बाहेक अन्य भागमा चौडाइ कायम हुने विभागले जनाएको छ । घोरेटो बाटो नियमित सञ्चालनका लागि दुई पुल पनि निर्माण हुने बताउदै उनले ठाउँठाउँमा पर्खाल हुने र कटिङ गरेर बाटो विस्तार गरिने बताए । नेपाल–भारत सीमा हुँदै चीनको सीमामा पर्ने लिपुलेक सम्म पुग्ने घोरेटोे बाटो चार करोड को लागतमा निर्माण भईरहेको उनले बताए । बाटो निर्माण भई सके पछि दार्चुलाका दुर्गम क्षेत्रका नागरिकहरु लाभन्वित हुने भएका छन । रासस