माघ ९ धनगढी,
आइतवार देशभरमा ६ हजार ४ सय ६२ जनामा कोरोना भाइरस संक्रमणको पुष्टि भएको छ । पछिल्लो २४ घण्टामा १७ हजार ४ सय ३७ जनामा कोरोनो परिक्षण गर्दा ६ हजार ४ सय ६२ जनामा भाइरस संक्रमणको पुष्टि भएको हो । यस्तैगरी, आइतवार कोरोना संक्रमणका कारण ४ जनाको मृत्यु भएको स्वास्थ्य तथा जनसंख्या मन्त्रालयका जनाएको छ । भने कोरोना संक्रमणबाट १ हजार ४ सय १६ जना निको भएका छन् । देशभरमा ७७ हजार ४० जना सक्रिय कोरोना संक्रमित रहेको मन्त्रालयले जनाएको छ । त्यसैगरी सुदूरपश्चिम प्रदेशमा ३ सय ८७ जनामा कोरोना भाइरस संक्रमणको पुष्टि भएको छ । पछिल्लो २४ घण्टामा १ हजार ३ सय ७९ जनाको नमूना परीक्षण गर्दा ३ सय ८७ जनामा कोरोना संक्रमणको पुष्टि भएको हो । ३ सय ३४ सय जना एन्टिजेन र ५३ जनाको पीसीआर मार्फत संक्रमण पुष्टि भएको स्वास्थ्य निर्देशनालय दीपायलले जनाएको छ । आइतवार कोरोना संक्रमित मध्ये १ सय ५१ जना भारतबाट आएका नागरिक रहेको स्वास्थ्य निर्देशनले जनाएको छ ।
त्रिनगर–गौरीफन्टा नाकाबाट आएका ७२ जनामा, गड्डाचौकी नाकाबाट आएका ६९ जनामा, जुलाघाटबाट आएका ८ जनामा, र पुलघाटबाट फर्केका २ जनामा कोरोना संक्रमणको पुष्टि भएको स्वास्थ्य निर्देशनालयले जनाएको छ । सुदूरपश्चिमका नाका भएर आईतबार८ सय ३२ जना स्वदेश फर्केका छन् । प्रदेशमा कोरोना संक्रमणको संख्या तीन हजार ८ सय ७२ पुगेको स्वास्थ्य निर्देशनालयले जनाएको छ ।