माघ ९ बैतडी ,
बैतडीमा २५ वर्षीय युवकको शव भेटिएको छ । बैतडीको पाटन नगरपालिका वडा नम्बर ३, ४ र ६ को सीमा सैन्देउ नजिकै नदी किनारमा अन्दाजी २५ वर्षीय युवकको शव भेटिएको हो । आइतवार स्थानीय बासिन्दाले नदी किनारमा शव देखे पछि प्रहरीलाई खबर गरेको बताईएको छ । इलाका प्रहरी कार्यालय पाटनका निमित्त प्रमुख प्रहरी नायव निरीक्षक नरेन्द्र धामीले उक्त शवको पहिचान हुन नसकेको जानकारी गराउनु भयो । उनले बिहान १० बजे स्थानीयले खबर गरे पछि घटनास्थल पुग्दा शरीरमा घाउचोट केही नदेखिएको शव भेटीएको प्रहरी नायव निरीक्षक धामीले जानकारी गराउनु भयो । जिल्ला प्रहरी कार्यालय बैतडील शव पहिचानको काम र घटनाको थप अनुसन्धान भइरहेकोे जानकारी गराउदै एक दुई दिन अघि मृत्यु भएको हुन सक्ने बताएको छ ।