माघ ६ कञ्चनपुर , १६ जना कर्मचारी संक्रमित भए पछि भिमदत्त नगरपालीकाका अत्यावश्यक बाहेकका सेवा बन्द गरिएका छन ।
नगरपालिकाले सार्वजनिक सूचना जारी गर्दै नगर प्रहरी, दमकल, अग्निनियन्त्रक, एम्बुलेन्स सेवा, सरसफाइ र आधारभूत स्वास्थ्य सेवा लगायतका अत्यावश्यक सेवा बाहेक अन्य सेवा स्थगित गरिएको जनाएको हो।
सूचनामा माघ ६ गते देखि १० गते सम्म अत्यावश्यक बाहेकका सेवा बन्द गरिएको उल्लेख गरिएको छ।
सूचनामा ‘नगरपालिकाका कर्मचारी तथा नागरिकहरुमा कोरोनाको संक्रमण बढ्दै गएकाले ‘कोरोनाको थप संक्रमण नफैलियोस् भन्ने कुरालाई मध्येनजर गर्दै अत्यावश्यक बाहेकका सेवा बन्द गरिएको उल्लेख गरिएको छ।’
स्वास्थ्य कार्यालय कञ्चनपुरका अनुसार आज मात्रै कञ्चनपुरमा १ सय ८२ जना संक्रमीत थपीएका छन्।
भीमदत्त नगरपालिकामा ६० जना, दोधारा चाँदनी नगरपालिकामा ९ जना, वेदकोट नगरपालिकामा १२ जना, शुक्लाफाँटा नगरपालिकामा ४ जना, कृष्णपुर नगरपालिकामा १ जना, पुनर्वास नगरपालिकामा १० जना, बेलौरी नगरपालिकामा ५ जना र सीमा नाका गड्डाचौकी हुँदै भारतबाट आएका ८१ जनामा कोरोना संक्रमण पुष्टि भएको जनाईएको छ ।
त्यसैगरी सक्रिय कोरोनाका विरामीको संख्या ६ सय ३५ पुगेको छ। अस्पतालको आइसोलेसनमा २२ जना र ६ सय १३ जनाको होम आइसोलेसनमा उपचार भइरहेको बताईएको छ।
