काठमाडौं, पत्रकार एलबी विश्वकर्माको निधन भएको छ । काठमाडौंका विभिन्न मुलधारका सञ्चारमाध्यममा काम गरिसकेका र पछिल्लो समय टिभी टुडे टेलिभिजनमा कार्यरत विश्वकर्माको निधन भएको हो ।
बुधबार राति स्वास्थ्यमा समस्या आएपछि पाटन अस्पतालको कोभिड वार्डमा भर्ना गरिएका विश्वकर्माको बिहीबार बिहान ३ बजे मृत्यु भएको हो । मृत्युको कारणबारे एकिन जानकारी आइसकेको छैन ।
अछाम रामारोशन निवासी विश्वकर्माले काठमाडौंमा रहँदा जनता टेलिभिजन, इमेज टेलिभिजन, टिभी टुडेलगायत सञ्चारमाध्यममा काम गरेका थिए । विश्वकर्मा मिलनसार, सहयोगी र अरुका पीडामा साथ दिने व्यक्ति थिए ।
