माघ ४ कञ्चनपुर ,कञ्चनपुर जिल्ला फुटबल संघको आयोजनामा संचालीत जिल्ला लिग फुटबल प्रतियोगिताको शिर्ष स्थानमा दिपज्योती युवा क्लबले समूह ’ए’ बाट स्थान सुरक्षित गरेको छ । आज भएका लिगका तीन खेलमा सेक्युर्ड नेपाल, युथ क्लब अफ महाकाली र दिपज्योती युवा क्लबले जित हासील गरेका छन । पहिलो खेल सेक्युर्ड नेपाल र द ग्यालेक्सी युथ क्लब बिच भएको खेलमा सेक्युर्ड नेपालले द ग्यालेक्सी लाई ११–० गोलको अन्तरले हराउदै लिगका खेलमा दुई हारका साथै दुई जित निकाल्दै ६ अंक जोडन सफल भएको छ । भने द ग्यालेक्सी युथ क्लब चार हारका साथ अंक बिहिन रहेको छ । दोस्रो खेल राम युवा क्लब र युथ क्लब अफ महाकाली बिच भएको खेलमा राम युवा क्लब लाई १–२ गोलको अन्तरले हराउदै युथ क्लब अफ महाकालीले तीन जितका साथै ९ अंकको साथ समूह ’ए’ को दोस्रो स्थानमा रहेको छ । भने लगातार चार हारका साथ राम युवा क्लब अंक बिहिन रहेको छ । यसैगरी,उक्त दिनको अन्तिम खेल दिपज्योती युवा क्लब र अरनिको युवा क्लब बिच भएको खेलमा दिपज्योतीले १–० गोलको अन्तरले अरनिको युवा क्लब लाई हराउदै चार जितका साथ १२ अंक जोड्दै समूह ’ए’ को शिर्ष स्थानमा उक्लिएको छ । अरनिको युवा क्लबले लिगका तीन खेल खेल्दै दुई जित एक हारका साथ ६ अंकमा रहेको छ ।
बुधबार तीन खेल हुने छन् । जसमा पहिलो खेल निङ्गलाशैनी युवा समाज र आदर्श नेपाल बिच बिहान १० बजे, दोस्रो खेल कञ्चन समाज र महेन्द्रनगर युनाइटेड बिच दिउँसो १ बजे हुने छ । उक्त दिनको तेस्रो खेल रोयल गोर्खाज र त्रीपुरा समाज बिच दिउँसो ३ बजे महेन्द्रनगरको खुलामञ्चमा प्रतिस्पर्धात्मक खेल हुने लिग संयोजक चन्द्र सिंह थलालले बताउनु भएको छ ।
जिल्ला लिग फुटबल प्रतियोगितामा संघमा आवद्ध १२ क्लबहरुको सहभागिता रहेको छ । जसमा दुई समुहमा बिभाजन गरि लिग संचालनमा रहेको छ । जसमा नेपाल सरकारले तोकेको स्वास्थ्य मापदण्डको पालना गरि खेलकुद संचालन हुने छन् ।
