माघ, ४ धनगढी । कैलालीको गोदावरी नगरपालीका वडा नम्बर ४ स्थित गोदावरी पुलबाट खसेर एक जनाको मृत्युु भएको छ । सोमबार साँझ गोदावरीको काठे पुलमा फोटो खिच्ने क्रममा खसेर गम्भीर घाइते भएका अछामका ३९ वर्षीय रुपराज भाटको मृत्युु भएको प्रहरीले जनाएको छ ।
जिल्ला प्रहरी कार्यालय कैलालीका प्रवक्ता प्रहरी नायब उपरीक्षक वेदप्रकाश जोशीले पुलबाट खसेर घाइते भएका भाटको उपचारका क्रममा सेती प्रादेशिक अस्पतालमा मृत्यु भएको जानकारी गराउनु भयो । उनले काम विशेषले अछामबाट कोहलपुर गएका भाट पुलमा फोटो खिच्ने क्रममा खसेको देखे पछि स्थानीयले प्रहरीलाई खबर गरेको जानकारी गराएको बताए ।
तत्काल घटनास्थल पुगेको प्रहरी टोलीले भाटको उद्दार गरेर उपचारका लागि सेती प्रादेशिक अस्पताल पु¥याएकोमा उपचारकै क्रममा चिकित्सकले मृत घोषणा गरेको उनले जानकारी गराउनु भयो ।
भाटको मृत्युु प्रकरणबारे थप अनुसन्धान भइरहेको बताउँदै डीएसपी जोशीले शव परीक्षणका लागि प्रादेशिक अस्पतालमै राखिएको जानकारी दिए । ‘नेपालगञ्जबाट अछाम जानुपर्ने मान्छे बीचबाटोमै के कति कारणले उत्रिए र उनीसँग अरु को को मानिस थिए भन्ने विषयमा अनुसन्धान गरिरहेको उनले जानकारी गराए ।
