बुवाको हत्या गरेको आरोपमा छोरा पक्राउ
माघ १४ धनगढी,
कञ्चनपुरमा आफ्नै बुवाको हत्या गरेको आरोपमा छोरा पक्राउ परेको छ । जिल्लाको लालझाँडी गाउँपालिका–२ कंजका २२ वर्षिय राम विलास रानाले आफ्नै बुवा ४० वर्षिय ठग्गु रानालाई बञ्चरो प्रहार गरी हत्या गरेको आरोपमा रानालाई प्रहरीले पक्राउ गरेको हो । हिजो राती करिब १० बजेतिर सुतीरहेको अवस्थामा राम विलासले बुवालाई बन्चरो प्रहार गरेको ईलाका प्रहरी कार्यालय बेलौरीले जनाएको छ । घरायसी विवादका कारण राम विलासले आफ्नै बुवाको हत्या गरेको अनुसन्धानबाट खुलेको ईलाका प्रहरी कार्यालय बैलौरीका प्रहरी निरीक्षक कमल कुमार खडकाले बताउनु भएको हो । हत्याको सूचनापछि तुरुन्तै आरोपित छोरालाई पक्राउ गरिएको उनले बताए ।
मृतकको शव परीक्षणका लागि धनगढीको सेती प्रादेशिक अस्पतालमा पठाइएको र आरोपितमाथि थप अनुसन्धान भइरहेको प्रहरीले जनाएको छ ।