माघ १६ बैतडी
शहीद दशरथ चन्दको शालीकमा माल्र्यापण गरी शहीद दिवस मनाइएको छ । बैतडीको दशरथचन्द नगरपालिका वडा नम्बर –५ बस्कोटस्थित शहिद चन्दको घरमा आईतबार श्रद्धाञ्जलि कार्यक्रमको आयोजना गरी शालीकमा माल्र्यापण गरी शहिद दिवस मनाइएको शहीद दशरथचन्द स्मृति प्रतिष्ठानका अध्यक्ष विनोदबहादुर चन्दले जानकारी गराए । शहीद दशरथ चन्दको जन्मघर बस्कोटमा श्रद्धाञ्जलि कार्यक्रमका साथै नेपाल प्रहरीले सलामी अर्पण गरेर शहिद दिवस मनाईएको उनले बताए । शहीद चन्दको शालिकमा माल्यार्पण गर्नुका साथै देशमा प्रजातन्त्र स्थापनाका लागि शहीदहरूले खेलेको भूमिकाको स्मरण गर्दै शहिद दिवस मनाइएइको उनले बताए । हरेक वर्ष धुमधामका साथ दिवस मनाउँने गरेको बताउदै उनले यो वर्ष कोरोना भाइरसका कारण स्वास्थ्यका मापदण्ड अपनाएर कम मानछेहरुको उपश्थितिमा श्रद्धाञ्जलि सभा आयोजना गरेर मनाएको जानकारी गराए । शहीद दशरथ चन्दको जन्मघर बैतडीको बस्कोटमा शहीद दशरथचन्द स्मृति प्रतिष्ठानले ०५१ सालबाट शहीद दिवस मनाउदै आएको छ । स्थानीयस्तरमा शहीद दशरथचन्द स्मृति प्रतिष्ठान स्थापना गरिए पनि यसलाई सरकारी प्रतिष्ठान बनाउने प्रयास अझै सफल हुन नसकेको शहीद दशरथचन्द स्मृति प्रतिष्ठानका पूर्व अध्यक्ष तेजप्रकाश भट्टले बताए । उनले सरकारी प्रतिष्ठान बनाउनका लागि आफूहरूले पहल गरे पनि सरकारका तर्फबाट एकदिन मात्रै शहीदलाई सम्झीने गरेको बताए । एकदिन मात्र सम्झेर शहिदका सपना पूरा नहुने बताउदै उनले शहिदले खोजेको परिवर्तनलाई संस्थागत गर्न सरकारको सहयोग आवश्यक रहेको बताए । यस्तै बैतडीको सदरमुकाम गढी खलंगामा रहेको दशरथ चन्दको शालिकमा पनि स्थानीय संघसंस्था तथा नागरिक समाजका व्यक्तिले माल्यार्पण गरी दिवस मनाएका छन् । दिवसको अवसरमा शहीद चन्दको जन्मथलो दशरथचन्द नगरपालिकामा सार्वजनिक बिदा समेत दिईएको छ ।