माघ १६ धनगढी
कैलालीको राजीपुरमा रहेको एक होटलमा एक जना मृत भेटीएका छन । गौरीगंगा नगरपालिका वडा नम्बर–४ राजीपुरमा रहेको गहतेगडा होटेलमा घोडाघोडी नगरपालिका वडा नम्बर–१ का अन्दाजी ३५ वर्षीय साधन डान मृत भेटीएका हुन ।
माघ ३ गतेदेखि सोही होटलमा बस्दै आएका डान ओछ्यानमै शनिबार मृत फेला परेको जिल्ला प्रहरी कार्यालय कैलालीले जनाएको हो ।
मृत्युको कारण खुल्न नसकेको र, घटनाको अनुसन्धान भइरहेको जिल्ला प्रहरी कार्यालयका प्रवक्ता प्रहरी नायब उपरीक्षक वेदप्रकाश जोशी जानकारी दिएका छन ।