माघ १५ बैतडी
यात्रु नपाए पछि बैतडीबाट धनगढीका लागि हुने हवाई सेवा बन्द गरिएकोे छ । साताको एक दिन शुक्रबार बैतडीबाट धनगढी सम्म उडान गर्ने समिट एयरको हवाई सेवा यात्रु अभावले बन्द गरिएको हो ।
नागरिक उड्डयन कार्यालय, पाटनका वरिष्ठ अधिकृत दीपक भट्टले यात्रु कम भएकाले उडान हुन नसकेको जानकारी गराउनु भयो । यात्रु भएमा उडान गर्ने तयारी गरिरहेको उनले जानकारी गराउनु भयो । १८ यात्रु क्षमताको समिट एयरको जहाज दसैंपछि सम्म पनि राम्रो चलिरहेको भट्टले जानकारी गराउनु भयो ।
पछिल्लो समय मौसमको कारणले गर्दा ढिलो हुने उनले जानकारी गराउदै उडान नहुने चिन्ताले यात्रु नआउने गरेका जानकारी गराउनु भयो । दैनिक ५÷७ जनाले मात्र हवाई यात्रा खोज्ने गरेको जानकारी गराउदै १४÷१५ जनासम्म पुगे पछि उडान सुचारु गर्न सकिने जानकारी गराउनु भयो ।
बैतडीदेखि धनगढी सम्मको हवाई भाडा ४ हजार १ सय रुपैयाँ छ । १७ मिनेटमा पुगिने यात्रामा भाडा भने महँगो भएको स्थानीयहरुले बताउँछन । भाडा महँगो भएकाले यात्रुहरूले हवाई यात्रामा जान नमान्ने गरेका स्थानीयले जनाएका छन ।