माघ १४ डोटी
कुखुरा व्यवसायीसँग रकम माग गरेको अडियो सार्वजनिक भए पछि सेती प्राविधिक शिक्षालयका प्रमुख वीरेन्द्रबाबु यादवमाथि छानबिन सुरु भएको छ ।
दिपायलमा रहेको प्राविधिक शिक्षा तथा व्यावसायिक तालिम परिषद्ले छानबिन सुरु गरेको हो ।प्रमुख यादवलाई परिषद्ले जिम्मेवारीबाट समेत हटाएर छानविन सुरु भएको सेती प्राविधिक शिक्षालयका शिक्षक तीर्थराज अवस्थीले जानकारी गराउनु भयो । अध्ययनरत विद्यार्थीलाई कुखुरापालनबारे सिकाउन शिक्षालयले ५ सय चल्ला खरिद गरेको बताउदै उनले कुखुराका चल्ला पठाउने व्यवसायीसँग फोनमा कमिसन मागेको अडियो सार्वजनिक भए पछि यादवमाथि छानबिन सुरु भएको अवस्थीले जानकारी गराउनु भयो ।
शिक्षालयमा पेन्टिङ, मसलन्द, भवन निर्माण, पेट्रोलियम पदार्थ, गाडी मर्मत, विद्यार्थी भर्ना, विद्यार्थी परिचयपत्र र पोसाकमा समेत आर्थिक अनियमितता गरेको आरोप लागेको अवस्थीले जानकारी गराउनु भयो ।