माघ १४ धनगढी
सुदूरपश्चिम प्रदेशमा ४ सय ८६ जनामा कोरोना भाइरस संक्रमणको पुष्टि भएको छ । पछिल्लो २४ घण्टामा एन्टीजेन मार्फत २ सय ९७ जना र पीसीआर मार्फत १ सय ८९ जनामा संक्रमणको पुष्टि भएको हो । पछिल्लो २४ घण्टामा एक हजार ६ सय ९३ जनाको कोरोना परीक्षण भएको स्वास्थ्य निर्देशनालय डोटीले जनाएको छ । शुक्रवार कोरोना संक्रमणको पुष्टि भएका मध्ये ८६ जना भारतबाट फर्केका नागरिक रहेको निर्देशनालयले जनाएको छ । त्रिनगर–गौरीफन्टा नाकाबाट नेपाल फर्केका ४१ जनामा, गड्डाचौकीबाट फर्केका २७ जनामा, जुलाघाटबाट फर्केका १७ जनमा र पुलघाटबाट फर्केका एक जनामा संक्रमणको पुष्टि भएको निर्देशनालयले जनाएको छ । शुक्रवार सुदूरपश्चिम प्रदेशका नाका भएर ९ सय ७ जना नेपाली स्वदेश फर्केको स्वास्थ्य निर्देशनालय डोटीले जनाएको छ । त्यस्तैगरी प्रदेशमा सक्रिय संक्रमितको संख्या ४ हजार ९ सय ८२ रहेको स्वास्थ्य निर्देशनालय डोटीले जनाएको छ । त्यस्तैगरी पछिल्लो २४ घण्टामा कोरोना संक्रमणका कारण दुई जनाको मृत्यु भएको छ । कैलालीको बर्दगोरीया गाउँपालिका वडा नम्बर ४ का ७५ वर्षीय पुरुष र कञ्चनपुरको भीमदत्त नगरपालिका वडा नम्बर ८ का ७५ वर्षीय संक्रमीत पुरुषको संक्रमणका कारण मृत्यु भएको निर्देशनालयले जनाएको हो ।